/2023.06.29/: 2023 оны зургаадугаар сарын 26-ний 21:00 цагийн үед Аймгийн Нэгдсэн эмнэлэгт Бугат сумаас шинж тэмдэг тодорхойгүй үжил халдвар оноштой ирсэн өвчтөн тарваган тахлын сэжигтэй тохиолдлоор бүртгэгдсэн тул аймгаас гарах хөдөлгөөнийг 6 хоногийн турш хориод байсан.
Тэгвэл Говь-Алтай аймагт бүртгэгдсэн тарваган тахлын сэжигтэй тохиолдол лабораторийн /PCR/ шинжилгээний дүнгээр эерэг гарч, онош батлагдаа.
Голомтод авч буй хариу арга хэмжээ:
- Халдварын эх уурхайг тогтоохоор ажиллаж байна.
- Нэгдүгээр хавьтлуудаас тарваган тахлын эмнэл зүйн шинж тэмдэг илэрсэн хүн байхгүй, эмчийн бүрэн хяналтад байна.
- Эцийн халдваргүйжүүлэлтийг нийт 680 м.кв талбайд хийлээ.
- Эрсдэлт бүлгийн иргэдэд мэдээлэл сурталчилгааны ажлыг эрчимжүүлэн хийж байна.
- Аймгийн ОК-аас гаргасан шийдвэрээр хөл хорионы дэглэм үргэлжилж байна.
Эх сурвалж: ЗӨСҮТ
