2023.06.13/: Эквадорд нэгэн өндөр настай эмэгтэйг оршуулах ёслол дээр байсан хүмүүс түүнийг амьд байгааг мэдээд цочирджээ.

76 настай Белла Монтойя өнгөрсөн долоо хоногт цус харвасан байж болзошгүй шалтгаанаар нас барсан байна.

Эрүүл мэндийн яамны мэдэгдэлд, эмэгтэйн зүрх зогссоноос амьсгал, зүрхний үйл ажиллагаа алдагдаж, сэхээн амьдруулах оролдлого нэмэр болоогүй тул түүнийг жижүүрийн эмч нас барсан гэж тэмдэглэжээ.

Түүний хүү Гилберийн хэлснээр ээж нь 09:00 цагийн орчимд эмнэлэгт хэвтсэн бөгөөд үд дундын үед эмч нас барсан гэдгийг нь хэлсэн байна.

Хатагтай Монтойягийн амьсгал хүмүүст сонсогдох хүртэл хэдэн цагийн турш авсанд байжээ.

Түүнийг авсыг нээж гэр бүлийнхэн нь ойртон гашуудах үед тэд настай эмэгтэйг амьсгалж байгааг сонссон байна. Тэд сонссон даруйдаа түргэн тусламж дуудсан бөгөөд одоо түүнийг эрчимт эмчилгээний тасагт эмчилж байгаа аж.

Хатагтай Монтойяд тохиолдсон уг хэрэгт Эквадорын эрүүл мэндийн яамнаас шалгах хороог байгуулжээ.

Эх сурвалж: ВВС