/2023.05.29/: Уул уурхайн яамны тусгай зөвшөөрөл бүхий Трансгейт интернэшнл компани нь Замын-Үүд суманд үйлдвэрээ ашиглалтад оруулах туршилтыг өнгөрсөн амралтын өдрүүдэд зохион байгуулжээ.
Туршилтаар бүтээгдэхүүн үйлдвэрлэх явцад техникийн газ Замын-Үүд сумын хэмжээнд их хэмжээгээр үнэртэсний улмаас иргэд бухимдаж Онцгой байдлын хэлтэст гомдол мэдээлэл гаргажээ.
Дуудлагын дагуу Замын-Үүд сумын Онцгой байдлын комиссын даргын үүрэг чиглэлийн дагуу алба хаагчид тухайн газарт шуурхай ажиллаж аюулгүй байдлыг хангуулж, туршилтын үйлдвэрлэлийг 2023 оны тавдугаар сарын 28-ны 08:00 цагаас эхлэн зогсоосон байна.
Болсон явдлын дараа Трансгейт интернэшнл компани Замын-Үүд сумын ард иргэдээс уучлалт хүсэж дахиж алдаа дутагдал гаргахгүй үйлдвэрлэлийн үйл ажиллагааг сайжруулах, техник тоног төхөөрөмжөө шинэчилж дараагийн үйл ажиллгааг явуулах болно гэж мэдэгдсэн байна.
