/2023.5.4/ Боловсролын ерөнхий хуулийн төслийг хэлэлцэж, үүнтэй холбоотойгоор улс орон даяар маргаан дэгдээд байна.
Энэ бол "Хүүхдүүдийг нэгдүгээр ангиас нь англи хэл үзүүлнэ, үзүүлэхгүй" гэдэг маргаан юм.
Одоо үйлчилж буй Боловсролын тухай хуулиар ерөнхий боловсролын сургуулийн хүүхдүүд тавдугаар ангиасаа гадаад хэл үзэж буй. Харин хувийн сургуулиуд нэгдүгээр ангиасаа үздэг. Тэгвэл энэ нь боловсролын тэгш бус байдлыг бий болгох нэг асуудал болоод байгаа юм.
Гэтэл өчигдөр Боловсролын сайд "Шинэ хөтөлбөрөөр хүүхдүүдэд гуравдугаар ангиас нь англи хэлний хичээл оруулахаар бэлтгэж байгаа" гэв.
Харин УИХ-ын гишүүн Ч.Ундрам тэргүүтэй УИХ-ын гишүүд "Сурагчдад нэгдүгээр ангиас нь англи хэл үзэх асуудлыг Байнгын хороо дэмжлээ" гэсэн юм.
Чухам аль нь үнэн юм бол?
