/2022.08.08/ Дэлхийн шатрын олимпиадын есдүгээр өргийн тоглолтод манай улсын эмэгтэй шигшээ баг ялагдал хүлээжээ.

Тодруулбал, Их мастер А.Энхтуул тэргүүтэй эмэгтэй шигшээ баг шатрын олимпиадын 6-д эрэмбэлэгдэж буй Азербайжаны багт 1.5:2.5 харьцаагаар хожигдсон байна.

Ингээд есдүгээр өргийн дараа манай эмэгтэйчүүдийн шигшээ баг 13 оноотойгоор 11 дүгээр байрт бичигдэж байна. Тэдний дараагийн тоглолтын тухайд Болгарын шигшээ багтай оноолт тааржээ.

Ташрамд дурдахад, дэлхийн шатрын 44-р олимпиад өндөрлөхөд хоёр тойрог дутуу байгаа юм.