/2022.07.21/: Шинээр томилогдсон ерөнхийлөгч Ранил Викремесингхэ өмнөх ерөнхийлөгчийг нь түлхэн унагасан эсэргүүцлийн жагсаалыг "хуулийн эсрэг" хэмээн буруушаасны дараа Шри Ланкад илүү эмх замбараагүй байдал үүсээд байна.
УИХ-ын гишүүн болсныхоо дараа түүнийг Готабая Ражапаксагийн залгамжлагчаар сонгосноос хойш үг хэлэхдээ "намайг хүчирхийллийг өдөөж байна гэж үзсэн хүмүүсийг тэвчихгүй" гэдгээ тодорхой илэрхийлэв.
“Хэрэв та засгийн газрыг унагах гэж оролдвол, ерөнхийлөгчийн болон ерөнхий сайдын өрөөг эзэлнэ гэвэл энэ нь ардчилал биш бөгөөд хууль зөрчсөн үйлдэл" гэж тэр хэлэв.
“Бид хуулийн дагуу тэдэнтэй хатуу тэмцэнэ. Улс төрийн тогтолцоог өөрчлөхийг уриалж буй чимээгүй олонхийн хүсэл эрмэлзлийг эсэргүүцэгч цөөнх нь дарахыг бид зөвшөөрөхгүй." гэлээ.
Викрмесингхэ пүрэв гарагт парламентын удирдагч, өөрийн хуучин сургуулийн найз болох Динеш Гунаварденаг Ерөнхий сайдаар томилох төлөвтэй байна. Гунавардена Ражапаксагийн хүчирхэг үнэнч хүн гэдгээрээ алдартай бөгөөд Махинда Ражапакса ерөнхийлөгч байх үед, дараа нь Готабая Ражапакса ерөнхийлөгч байх үед засгийн газрын танхимд ажиллаж байжээ.
Энэ долоо хоногт онц байдал зарласан Викремесингхэ жагсагчдыг "фашистууд" гэж нэрлэсэн мэдэгдэл хийж, жагсаалыг дарахаас айхгүй гэдгээ илэрхийлэв.
Лхагва гарагт түүнийг ерөнхийлөгчөөр зарласнаас хойш нэг цаг хүрэхгүй хугацааны дараа тус улсын эдийн засгийн уналтаас үүдэлтэй эсэргүүцэгчдийн буудалласан Коломбо хотын Галле Фэйс дэх хөшөөнөөс 50 метрийн радиуст нэг сарын хугацаанд хүмүүсийг цугларахыг хориглосон шүүхийн шийдвэр гарчээ.
Гэсэн хэдий ч хүмүүс тушаалыг эсэргүүцэж, эсэргүүцлийн хөдөлгөөнд эзлэгдсэн ерөнхийлөгчийн оффисын шатан дээр олон арван хүн цугларч, Викремесингхэгийн заль мэхтэй улстөрч хэмээгээд, "Банкны дээрэмчин Ранил” гэж хашгиран түүний холбогдсон банкны бондын луйврын тухай дурдаж байв.
Энэхүү жагсаалын хажууханд олон зуун цагдаа, цэргийнхэн зогсож байсан ч жагсаалд хөндлөнгөөс оролцоогүй байна.
Эх сурвалж: Theguardian
