/2022.07.20/: Үерт автсан газар тариалангийн талбай, хөрсний гулгалтанд дарагдсан байшин, зам, халуунд хатсан тариалан, ажилчид халуунд цохиулж сүйрч байна.
Зун эхэлснээс хойш дэлхийн хамгийн олон хүн амтай улс цаг агаарын онц байдалтай тэмцэж Хятад даяар сүйрэл, зовлон зүдгүүрийн дүр зураг өрнөж байна.
Эрдэмтэд олон жилийн турш цаг уурын хямрал нь цаг агаарын эрс тэс уур амьсгалыг нэмэгдүүлж, үхэлд хүргэж, улам бүр ойр ойрхон аюулт үзэгдлүүд болох болно гэж анхааруулсаар ирсэн. Одоо дэлхийн ихэнх орны нэгэн адил Хятад улс цаг агаарын нөлөөллөөс болж ганхаж байна.
Тус улсад тавдугаар сард борооны улирал эхэлснээс хойш хүчтэй аадар бороо орсны улмаас өмнөд хэсэгт хүчтэй үер болж, хөрсний гулгалт үүсч, олон арван хүн амь үрэгдэж, олон сая хүнийг нүүлгэн шилжүүлж, эдийн засагт нь олон тэрбум юанийн хохирол учраад байна.
Зургаадугаар сард эрэг орчмын Фужянь муж болон Гуандун, Гуанси мужуудын зарим хэсэгт их хэмжээний бороо орж, "түүхэн дээд амжилт" эвдэв. Үүний зэрэгцээ хэт халалт Хятадын хойд хэсгийг бүрхэж, 40 хэмээс дээш халсан халууны давалгаа эхэлжээ.
Энэхүү халууны давалгаа одоо тус улсын талыг хамарч, 900 сая гаруй хүн буюу нийт хүн амын 64 орчим хувийг хамарч байна. Өнгөрсөн лхагва гарагт Хятадын зүүн хойд хоёр мужаас бусад мужид өндөр температурын сэрэмжлүүлгийг хүргэж, 84 хот хамгийн дээд түвшний улаан дохиог өгчээ.
Сүүлийн долоо хоногт Хятад даяар нийт 71 үндэсний цаг уурын станц түүхэн дээд амжилтыг эвдсэн температурыг бүртгэжээ. Төвийн Хэбэй мужид гурав, баруун өмнөд хэсэгт орших Юньнань хотод дөрвөн хотод агаарын температур Цельсийн 44 хэмд хүрсэн гэж цаг уурын үндэсний төвийн мэдээлэв.
Хэт халалт нь Ковидийн тохиолдлын өсөлттэй давхцаж байгаагаас шинжилгээ өгөхөөр дугаарлаж буй иргэд наранд урт дараалалд зогсоход хүндрэл учруулж байгаа бөгөөд тэр дундаа өндөр настангуудыг засгийн газраас олон нийтийн шинжилгээнд хамруулах ажлыг улам хүндрүүлж байна.
Засгийн газрын "Тэг Ковид" бодлогын хүрээнд шинжилгээ өгөхдөө агаар нэвтрэхгүй ХХХ төхөөрөмжөөр толгойноосоо хөл хүртэл таглаад гадаа олон цагаар ажиллах шаардлагатай болсон эрүүл мэндийн ажилтнуудад аюултай ажил болжээ.
Эх сурвалж: CNN
