/2021.08.12/

2021 оны Эрүүл Мэндийн даатгал үндэсний зөвлөлийн гурав дугаар тогтоолын найм дугаарт уламжлалт анагаах ухааны тусламж, үйлчилгээний талаар оруулсан байдаг. Үүнд:

• Уламжлалт анагаах ухааны амбулаторийн тусламж, үйлчилгээг ЭМДС-аас бүрэн хариуцна.
• уламжлалт анагаах ухааны өдрийн эмийн эмчилгээ нь таваас доошгүй хоног үргэлжилнэ. Өдрөөр эмчлүүлэх тусламж, үйлчилгээний нийт зардал 150 мянган төгрөг байх ба үүнээс ЭМДС-аас 130 мянган төгрөгийг, даатгуулагч иргэн өөрөө 20 мянган төгрөгийг хариуцан төлнө.
• Уламжлалт анагаах ухааны хэвтүүлэн эмчлэх тусламж, үйлчилгээний суурь тарифийн хэмжээ 450 мянган төгрөг бөгөөд хэвтүүлэн эмчлэх тусламж, үйлчилгээний нийт зардлын 15 хувийг даатгуулагч иргэн өөрөө хариуцан төлнө хэмээн тусгажээ.