/2021.08.12/ Залуучуудад ажил мэргэжлийн чиг баримжаа олгох, зөвлөгөө өгөх замаар хөдөлмөрт бэлтгэж, хөдөлмөр эрхлэх хүсэл сонирхлыг бий болгох зорилготой “ОРОЛЦОО” төслийн бүртгэл энэ сарын 16-нд эхлэх гэж байна.

Төсөлд 18-34 насны, сүүлийн 3 сар ажил, хөдөлмөр эрхлээгүй, их дээд сургууль болон мэргэжлийн боловсролын байгууллагад суралцдаггүй иргэд хамрагдах боломжтой аж.

“Оролцоо” төслийг сонирхсон иргэд төрийн үйлчилгээний цахим систем www.e-mongolia.mn ээр нэвтрэн энэ сарын 16-ны өдрөөс 22-ны өдрийн хооронд бүртгүүлэх боломжтой юм.

Төсөлд хэрхэн бүртгүүлэх вэ:

Та www.e-mongolia.mn төрийн үйлчилгээний цахим хуудсанд өөрийн нэр дээрх гар утасны дугаар болон интернет банкны эрхээрээ нэвтэрч орон “ОРОЛЦОО” төсөл гэсэн цэсэн дээр дарснаар бүртгэлийн асуултууд гарч ирнэ.

Цахим систем зөвхөн 18-34 насны залуучуудыг бүртгэх бөгөөд Та өөрийн регистрийн дугаараа оруулан шалгуулах аж.

Эх сурвалж: Хөдөлмөр, Нийгмийн Хамгааллын Яам