/2021.08.12/ Япон Улсын Засгийн газрын буцалтгүй тусламжийн хөрөнгөөр санхүүжүүлж буй 117,000 тун Пфайзер вакциныг 8 дугаар сарын 11-ний өдөр хүлээн авлаа.

Вакцин худалдан авах гэрээний дагуу энэ оны 2 дугаар улиралд нийт 255,060 тун вакцин хүлээн авсан байна.

Мөн 3 дугаар улиралд нийт 1,124,370 тун вакцин нийлүүлэгдэхээс өнөөдрийн байдлаар 567,450 тунг хүлээн авчээ. Үлдэгдэл тунг хуваарийн дагуу 9 дүгээр сарыг дуустал хүлээн авах аж.

Пфайзер вакциныг хичээлийн шинэ жил эхлэх болсонтой холбогдуулан эцэг эх, асран хамгаалагчийн зөвшөөрлийг үндэслэж 12-17 насны хүүхдүүдийг сайн дурын үндсэн дээр үргэлжлүүлэн вакцинжуулна.

Эх сурвалж: ЭМЯ