/2021.08.11/ Рашаант өртөөнөөс Богд уул, Мааньт хүртэлх төмөр замын бүтээн байгуулалтын ажлыг энэ онд багтаан эхлүүлэхээр төлөвлөж байгааг Зам тээврийн сайд Л.Халтар мэдэгдлээ.

Өнгөрсөн долоо хоногт Засгийн газрын хуралдаанаар энэ асуудлыг хэлэлцэж гүйцэтгэгч байгууллагуудыг тодруулсан байна.

Уг зам нь 135 км үргэлжлэх бөгөөд 6 зөрлөг, 3 өртөөтэй байх юм. Мөн 16,6 км урт хоёр хонгил баригдана. Төсвийн хувьд 630-700 сая долларын хөрөнгө шаардлагатай гэж үзэж байна.