/2021.08.10/ Сибирийн түймрийн утаа манай орныг нэлэнхүйд нь бүрхээд буй. Бид Цаг уур, орчны шинжилгээний газраас утаа аль бүс нутагт өтгөн татсан байгаа талаар лавлалаа.

ЦУОШГ-ын урьдчилан мэдээлэх хэлтсийн дарга Л.Оюунжаргал:

- "Монгол орны газар нутагт дийлэнх аймгуудад буюу Увс, Булган, Сэлэнгэ, Хөвсгөл, Төв, Дундговь, Хэнтий, Өмнөговь аймгуудад болон нийслэл Улаанбаатар хотод утаа их байна.

Өвөрхангай Баянхонгор Говь-Алтай Сүхбаатар аймгуудад агаарын бохирдол харьцангуй бага байна.

Тэгвэл наймдугаар сарын 12-ноос утаа багасч шингэрэх төлөвтэй байгаа юм." гэлээ.