/2022.04.09/ Оскарын шагнал гардуулах ёслолын үеэр жүжигчин Уилл Смит комедиан Крис Рокыг тайзан дээр алгадсаны улмаас 10 жилийн хугацаанд Академийн шагнал гардуулах ёслолд оролцохыг хоригложээ.

Лос-Анжелес хотноо өчигдөр болсон Удирдах зөвлөлийн хурлын үеэр дээрх шийдвэрийг гаргасан байна. Тус шийдвэр 2022 оны дөрөвдүгээр сарын 8-наас эхлэн хэрэгжиж эхлэх юм.

Кино академиас гаргасан мэдэгдэлд "энэ жилийн ёслолын үйл ажиллагааг Смитийн тайзан дээрх аюултай, байж боломгүй үйлдэл харлууллаа" гэжээ.