/2021.08.09/ Сибирь, Алс Дорнодод ой хээрийн түймэр хэдэн долоо хоног дараалан дэгдсээр байна. Эрхүү муж, Красноярск хязгаар, Якут, Ханты-Манси автономит тойрог, Буриад зэрэг улсууд үүнээс хамгийн их хохирч байна.

Дулаан эхэлмэгц энд ой мод дүрэлзэж эхэлдэгт нутгийн иргэд хэдийн дассан байсан бол энэ жил байдал үнэхээр хүнд байдалтай болжээ.

Түймрийн бүс аймшигтай хэмжээнд хүрч, утаа эргэн тойрныхоо бүс нутгуудад тархжээ. Тэр ч байтугай цааш Омск, Новосибирск, Томск, Кемерово, Челябинск мужууд, мөн Хакасия, Алтайн хязгаарын хүн ам аюулд оров. Түүгээр ч барахгүй манан Татарстан, Казахстаны хэсгийг ч хамарчээ.