/2022.03.21/ Манай улсын орлогын гол эх сурвалж болсон уул уурхайн салбарын орлого он гарсаар 12 хувиар буурчээ. Нийт экспортын ихэнх хувь буюу 94 хувийг эзэлж буй уул уурхайн салбарын голлох бүтээгдэхүүнээр зэс түүний дараа нүүрс удаалж байна. Харин мал аж ахуйн салбар 4, аж үйлдвэрлэлийн салбар дөнгөж хоёр хувьтай байна.
Харин импортын бүтээгдэхүүн өнгөрсөн оны мөн үетэй харьцуулбал 13 хувиар өсчээ. Нийт импортын хамгийн их буюу 37 хувь нь хэрэглээний бүтээгдэхүүн бол 29 хувь нь хөрөнгө оруулалтын бүтээгдэхүүн, 21 хувь нь нефтийн бүтээгдэхүүн байна. Импортоор авсан бүтээгдэхүүнд нефтийн бүтээгдэхүүн, хүнс, машин механизм, түүний сэлбэг хэрэгсэл, барилгын материал багтжээ.
