/2022.12.12/: Хүүхэд 24 цаг /хоног/-т 3 буюу түүнээс олон удаа, эмгэг хольцтой баахыг суулгалт өвчин гэнэ.

Суулгалт нь олон янзын шалтгаантай /хоолны, халдварын, төрөлхийн ферментийн дутал, хожмын г.м/ байх бөгөөд энд халдварын шалтгааныг авч үзье.

Шинж тэмдэг

• Суулгах
• Шингэн алдах
• Нүд хонхойх
• Ховдоглон уух буюу ууж чадахгүй байх
• Шээсний гарц багасах
• Хүүхдийн мариа багасах
• Баасаар цус гарах
• Халуурах

Хэзээ эмчид хандах вэ?

Хүүхэд өдөрт 3 буюу түүнээс дээш удаа баах, хоолонд дургүй болох, бие сульдах зэрэг шинж тэмдэг илэрвэл яаралтай эмчид хандаарай.

Шалтгаан

• Нян /E.Coli. H.Jejuni, Шигеллы/
• Вирус /Зонхилон ротовирус/
• Эгэл биетэн
• Бохир гараар хооллох
• Ээж гэдэс гүйлгэх төрлийн зүйл хэрэглэх (хар чавга, гэдэс цэвэрлэх цай гм)
• Хоолны хордлого

Оношлогоо

• Нарийн мэргэжлийн эмчийн үзлэг
• Өтгөний шинжилгээ
• Цусны ерөнхий шинжилгээ
• Биохимийн шинжилгээ
• Биопси

Эмчилгээ

• Эмийн эмчилгээ
• Шингэн алдалтыг зогсоох
• Хоол эмчилгээ

Хүндрэл

Шингэн алдалтыг эмчид хандалгүй удсанаар хүүхэд шингэний дутагдалд орох улмаар унтаарах шоконд орох зэрэг хүндрэлтэй тул заавал эмчид хандах хэрэгтэй.