/2022.02.11/ "Crush Landing on You" цувралаас төрсөн хосууд болох Хюн Бин, Сон Е Жин нар гэрлэх болсноо өчигдөр буюу энэ сарын 10-ны өдөр зарлалаа.

Сон Е Жин өөрийн инстаграм хуудаснаа хуримын даашинз барьсан зургийн хамт, "Би үлдсэн амьдралаа хамт өнгөрүүлэх нэгнийг оллоо. Тийм ээ... энэ бол тэр" гэсэн тайлбартай нийтэлжээ.

Мөн тэрбээр, "түүнтэй хамт байхад дулаахан, аюулгүй мэдрэмж төрдөг" хэмээн нэмж бичжээ. Е Жин инстаграм хуудасны энэхүү нийтлэлийг оруулсны дараагаар түүний агентлаг болох "MS Team Entertainment" хосуудыг хуримаа хийх болсон талаар мэдээлсэн байна.

Хосууд болзож эхэлсэн гэдгээ өнгөрсөн оны нэгдүгээр сарын 1-нд албан ёсоор зарлаж байсан билээ.

Эх сурвалж: teenvogue