/2022.02.09/: Гоминидууд буюу Неандертальчууд олон мянган жилийн өмнө амьдарч байсан.

Евразийн нутаг дэвсгэр дээр тэд 400 мянган жилийн өмнө бий болсон бөгөөд 35 мянган жилийн өмнө тэд манай гаригийн тодорхой хэсэгт амьдарсаар байжээ. Неандертальчууд яагаад устсан талаар мэргэжилтнүүд янз бүрийн хувилбар дэвшүүлсээр ирсэн.

Хувилбаруудаас хамгийн үнэнд нийцэх нь тэднийг Хомо Сапиенсчууд "шахан хөөсөн" бөгөөд тэд хэд дахин илүү ухаалаг төдийгүй илүү хүчтэй болсон юм. 2019 онд өөр хувилбарыг санал болгосон нийтлэл хэвлэгдсэн ба уг нийтлэлд Неандертальчууд хэт цөөхөн байсан бөгөөд энэ тооны бодгаль нь тэднийг амьд үлдэхэд хангалтгүй байсан тул устсан. Тэднийг устахад байгалийн хүчин зүйлүүд нөлөөлсөн хэмээн судалгааны удирдагч Эйндховены Технологийн Их Сургуулийн биологич Крист Ваесен үзсэн юм.

Эрдэмтдийн багийнхан гоминидууд устаж үгүй ​​болсон гэх таамаглалуудыг нарийвчлан судалжээ. Холбогдох загварыг бий болгохдоо нэн ховордсон амьтдад хамгийн их нөлөө үзүүлдэг гурван үндсэн хүчин зүйлийг харгалзан үзсэн байна.

Энэ бол Олли эффект, цус ойртолт, стохастик байдал юм. Мэргэжилтнүүд эрэгтэй, эмэгтэй хүмүүсийн тоо, харьцааны ялгаа, байгалийн үзэгдлүүд эртний төрлийн хүмүүсийн устаж үгүй ​​болоход нөлөөлж чадах эсэхийг тогтоохыг хүсчээ. Эдгээр бүх хүчин зүйлүүд устах үйл явцад нөлөөлж болохыг үр дүн харуулсан байна.

Удаан хугацааны туршид неандертальчууд устаж үгүй ​​болоход ойрхон байсан популяцид амьдарч байсныг Вазен тэмдэглэв. Тиймээс төрөлт буурах, байгалийн гамшгийн нэмэлт нөлөөлөл энэ үйл явцыг хурдасгасан гэнэ.