/2021.08.02/ Налхайх дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн санхүүжилтээр Туулын гүүрний орчимд зарлан мэдээллийн дуут дохио бүхий хяналтын камерыг байршуулжээ.

Уг ажлыг НОБГ-ын Налайх дүүргийн Онцгой байдлын хэлтсийн саналын дагуу дүүргийн “Хөх морьт ВМ” групптай хамтран хийжээ.

Тус камер нь шөнийн тусгалтай, 360 градус эргэдэг, зарлан мэдээллийн дуут дохио бүхий шийдэлтэй аж.

Мөн ил задгай газар хог хаяж байгаа эсэх болон гол, үер усны аюулын түвшинг давхар хянах зорилготой хэмээн Налайх дүүргийн Онцгой байдлын хэлтсээс мэдээллээ.

Эх сурвалж: ОБЕГ