/2021.12.22/: ОХУ-аас Монгол Улсад суугаа Элчин сайдын яамнаас дараах мэдээллийг ирүүллээ.

Тус мэдээлэлд ОХУ-д зорчих гадаадын иргэд ПГУ шинжилгээний сөрөг хариу гарснаас хойш 48 цагийн дотор тус улсад нэвтрэх эрхтэй бөгөөд нотлох баримт, тодорхойлолтыг биедээ авч явахыг анхааруулсан байна.

Энэхүү бичиг баримт, нотолгоо нь англи хэлээр байж болно. Эсвэл бичиг баримт, нотолгоог орос хэлэнд орчуулж, тус Элчин сайдын яамны Консулын хэлтсийн дэргэдэх нотариатаар баталгаажуулах юм.

Харин эх орондоо буцаж байгаа тус улсын иргэдийн хувьд ПГУ шинжилгээг ОХУ-д өөрийн оршин суугаа хаягаар өгөх юм байна.