2021.07.24

Буудлагын 10 метрийн хийн гар бууны эрэгтэйчүүдийн дасгалын урьдчилсан шат явагдлаа. Энэ төрөлд 36 тамирчин цэц сорьсноос манай тамирчин Э.Даваахүү 577 оноо авч, 12-р байрт шалгарав. Тэрбээр эхний 30 сумандаа 94, 95, 95 оноо авч тааруухан буудсан ч сүүлийн 30 сумандаа 97, 98, 98 оноо авсан юм.

Энэ төрөлд Энэтхэгийн Ч.Саураб (586), БНХАУ-ын Жан Боуэн (586), Германы К.Реитц (584), Украины П.Коростилов (581), Ираны Ж.Фороу (580), БНСУ-ын М.Ким (579), БНХАУ-ын Пан Вэй (578), Сербийн Д.Микеч (578) нар финалд шалгарав.

1989.06.22-нд төрсөн тэрбээр ийнхүү анхны олимпдоо орсон явдал байлаа.

Түүний онцлох амжилтаас дурдвал:

• Дэлхийн цомын хүрэл,
• Оюутны дэлхийн аваргын 4 хүрэл,
• Универсиад наадмын алт, мөнгө, хүрэл медалийн эзэн юм.