Өнөөдөр болох үйл явдал:

ШУТИС-ийн Номын санд

09:00 цагт Чингис хааны өв, соёлын хүрээлэн, ШУТИС, Хүмүүнлэгийн сургууль хамтран “Монголын түүх, соёлын аялал жуулчлал: Өнөөгийн байдал, хөгжлийн боломж” эрдэм шинжилгээний хурал зохион байгуулна.

Гадаад харилцааны яаманд

09:00 цагт ЭМЯ, ЗТХЯ, БХБЯ, Эм, эмнэлгийн хэрэгслийн хяналт, зохицуулалтын газар, УБТЗ-ын удирдлагууд эм, эмнэлгийн хэрэгслийн хүрэлцээ, үүсээд байгаа нөхцөл байдал, хүндрэл, шуурхай татан авах талаар хуралдана.

14:00 цагт Барилгын салбарт үүсээд байгаа нөхцөл байдал болон нэн яаралтай бараа бүтээгдэхүүнийг татан авах хурал болно.

Төрийн ордонд

10:00 цагт УИХ-ын чуулганы нэгдсэн хуралдаан болно.

Новотел зочид буудалд

10:00 цагт Нийслэлийн нутаг дэвсгэрт байгаа түүх, соёлын үл хөдлөх дурсгалыг сэргээн засах, хамгаалах “Бүтээлч хот-Улаанбаатар” уулзалт болно.

14:00 цагт Соёлын яам, ГХЯ-наас “Соёлын үйлдвэрлэл ба гадаад хамтын ажиллагаа” зөвлөлдөх уулзалт зохион байгуулна.

Шонхор тауэрт

11:00 цагт АН-ын дарга М.Тулгат, нарийн бичгийн дарга О.Баасанхүү, АН-ын дэд дарга Ц.Оюундарь нар цаг үеийн асуудлаар мэдээлэл хийнэ.

АТГ-ын гадна

12:00 цагт УИХ-ын гишүүн Ц.Туваан, УДШ-ийн Иргэний танхимын тэргүүн шүүгч Х.Сонинбаяр, УДШ-ийн Тамгын газрын дарга С.Амардэлгэр нарыг АТГ-т шалгуулах талаар мэдээлэл хийнэ.

Интерном номын дэлгүүрийн төв салбарт

12:00 цагт "Орфей" театр, "Монсудар" хэвлэлийн газартай хамтран Ф.М.Достоевскийн “Гэмт хэрэг ба ял шийтгэл” роман болон "Гэм зэм" жүжгийн нээлттэй өдөрлөг зохион байгуулна.

Туушин зочид буудалд

14:00 цагт “Боловсролын төсөв, санхүүжилтэд үзүүлэх Монгол Улсын нийт өрийн нөлөө” судалгааны нээлт болно.

ХААИС-ийн Хөдөө аж ахуйн эдийн засаг, инновацын хөгжлийн төвд

14:00 цагт “МОНГОЛ-ХЯТАДЫН ТЕХНОЛОГИ ДАМЖУУЛАХ ТӨВ”-ийн нээлтийн үйл ажиллагаа болно.