/2021.10.26/: Хятадад таван мужид 3-11 насны хүүхдүүдийг коронавирусын эсрэг вакцинд хамруулж эхэлнэ гэж AP мэдээлэв.

Эдгээр бүс нутгийн удирдлага, хотын захиргаа удахгүй энэ насны хүүхдүүдэд заавал вакцин хийлгэсэн байх гэсэн шаардлага тавих болно гэдгийг сануулж эхэлснийг тус агентлаг тэмдэглэв.

Хятадад албан ёсны мэдээллээр хүн амын 76 хувь нь вакцинд хамрагдсан ч эрх баригчид коронавирусын халдварыг 0% болтол бууруулах бодлогыг баримталж байна. Үндэсний эрүүл мэндийн комиссын мэдээлснээр тус улсад өдөрт коронавирусын халдварын 35 шинэ тохиолдол бүртгэгдэж байгаа ажээ.

Зуны улиралд БНХАУ-ын засгийн газар гурван ба түүнээс дээш насны хүүхдүүдийг Sinopharm, Sinovac төрлийн коронавирусын эсрэг вакцинд хамруулахыг зөвшөөрсөн боловч одоогоор тус улсад зөвхөн 12 ба түүнээс дээш насны хүүхдүүдийг вакцинд хамруулаад байна.

Камбож, Чилид вакциныг 6-аас дээш насны хүүхдүүдийг вакцинд хамруулсан байна.

Эх сурвалж: interfax