/2021.10.22/: Ерөнхийлөгч Владимир Путин аравдугаар сарын 30-аас 11-р сарын 7-ны хооронд ажлын бус долоо хоногийг баталлаа.

Учир нь ОХУ-ын коронавирустай тэмцэх ажлын хэсгийн мэдээгээр ОХУ-д сүүлийн 24 цагийн дотор Ковид-19 өвчний улмаас нас барсан хамгийн их тохиолдол бүртгэгдсэн байна.

Путин бүс нутгийн эрх баригчдад ажлын бус өдрүүдийг арваннэгдүгээр сарын 7-ны өдрөөс хэтрүүлэхгүйгээр цалинг тасалдуулахгүй олгохыг зөвшөөрсөн зарлигт гарын үсэг зуржээ. Энэхүү тогтоол нь холбооны болон бүс нутгийн засгийн газруудад соёл, эрүүл мэндийн байгууллагууд нь ажлын бус өдрүүдэд хэрхэн ажиллахыг тодорхойлох эрхийг олгож байгаа ажээ.

Энэхүү арга хэмжээ нь цалинтай амралт эсвэл бизнес эрхлэгчид ажилчиддаа чөлөө олгох эрх өгч байгаа юм байна.

Телевизээр хэлсэн үгэндээ Путин вакцинжуулалтын ач холбогдлыг онцлон тэмдэглэж, коронавирусын шинжилгээг орон даяар өргөжүүлэхийг уриалав. “Боловсролтой хүмүүс, дээд боловсролтой хүмүүс вакцин хийлгэхийг хүсдэггүй нь хачирхалтай. Бидэнд аюулгүй, үр дүнтэй вакцин бий ”гэж Путин хэлэв. “Би таныг гадагш гарч вакцин хийлгэхийг уриалж байна. Энэ бол таны болон ойр дотны хүмүүсийн амь насны асуудал юм. ”

В.Путин хэлэхдээ "Бид цар тахалыг даван туулах хоёр л арга зам байна: өвдөх эсвэл вакцин хийлгэх, гэхдээ вакцин хийлгэх нь дээр" гэв.

Оросын засгийн газар өнөөг хүртэл тус улсад Ковид-19-ийн улмаас нас барсан хүний тоо Европт хамгийн өндөр байгаа бөгөөд одоогоор дэлхий даяар өдөр бүр нас барсан хүний тоогоор АНУ-ын дараа хоёрдугаарт бичигдэж байгаа ч улсын хэмжээнд хориг арга хэмжээ авахыг хүсэхгүй хэвээр байна.

"Би бүс нутгийн нөхцөл байдалд анхаарлаа хандуулж байна. Ямар ч тохиолдолд статистикийг дутуу үнэлж болохгүй "гэж Путин бүс нутгийн амбан захирагчдад хандан хэлэв.

Орос улсад Ковидын улмаас нас барагсадын тоо гурван долоо хоног дараалан хамгийн өнөдр хэмжээнд хүрэн нэмэгдэж байгаа бол Оросын хүн амын ихэнх хэсэг нь дотооддоо үйлдвэрлэсэн вакцин хийлгэхийг хүсэхгүй хэвээр байна.

Оросуудын бараг тал хувь нь (45.6%) Коронавирусын эсрэг Орос эсвэл гадаадын үйлдвэрлэсэн вакциныг хэзээ ч хийлгэхгүй гэж мэдэгдсэн бол 19% нь шийдвэр гаргахаасаа өмнө ирэх жил хүртэл хүлээх нь зүйтэй гэж хариулсан хэмээн өнгөрсөн сард Москвагийн Эдийн засгийн дээд сургуулийн судалгаанд нийтэлжээ.

Путин хэлэхдээ ажилчдынхаа цалинг орон даяар ажлын бус долоо хоногт олгох ёстой гэв.

Бизнесийн зардлыг нөхөхийн тулд Ерөнхий сайдын нэгдүгээр орлогч Андрей Белоусов хамгийн их хохирол амссан салбарт ажиллаж буй жижиг, дунд бизнес эрхлэгчдэд ажилчдын цалингийн нэг хэсгийг улсын доод хэмжээний цалин 12.792 ($ 180) рубльтэй тэнцэх хэмжээний зээл олгохыг санал болгов.

Лхагва гарагт болсон телевизийн уулзалтын үеэр Голикова оросууд бусад бүс нутаг, орноор аялах хугацааг хойшлуулах ёстой гэж хэлжээ.

Ковид-19 өдөрт 1000 гаруй орос хүний амь насыг авч одож байгаа ба өнгөрсөн өвлөөс эхлэн Sputnik V вакцин маш ихээр бус нутгуудад түгээж байгаа боловч Оросын насанд хүрэгчдийн дөнгөж 32% нь вакцины хоёр тунг бүрэн хийлгэсэн байна.

Мягмар гарагт Москва хотын дарга Сергей Собянин гэрээсээ ажил хийхийг уриалаад, үйлчилгээний салбарын ажилчдыг заавал вакцинжуулалтанд хамрагдсан байх шаардлагыг сэргээв. Ахмад настай Москвачуудад вакцин хийлгээгүй л бол гэрээсээ гарахгүй байхыг зөвлөж байна.

Өнгөрсөн долоо хоногт Собянин Москвагийн 65 ба түүнээс дээш насны оршин суугчдад вакцинд хамрагдсан тохиолдолд 10,000 рубль буюу 140 долларын урамшуулал олгоно гэж мэдэгджээ.

Оросууд өөрийн улсын үйлдвэрлэсэн вакцины аюулгүй байдалд итгэх байдал нь Sputnik V вакциныг барууны орнуудад хүлээн зөвшөөрөхгүй байсантай холбоотой гэнэ.

Дэлхийн эрүүл мэндийн байгууллагаас Sputnik V вакцинд яаралтай ашиглах зөвшөөрөл хараахан өгөөгүй байгаа хэдий ч дэлхийн 70 гаруй оронд ашиглах зөвшөөрөл авсан гэж шинжээчид мэдээлэв.

Эх сурвалж: themoscowtimes