Нөөцийн махны бэлтгэлд 100 тэрбум төгрөгийн санхүүжилт хийхээр болжээ
 
Энэ мэдээ хуучирсан буюу 2021/07/21-нд нийтлэгдсэн мэдээ болно.

Нөөцийн махны бэлтгэлд 100 тэрбум төгрөгийн санхүүжилт хийхээр болжээ

May be an image of 1 person, outdoors and text that says '의 монгол улсын ΧΘΗΓΘΗ уйлдвэрийн яам XYHC, хедее ажахуй, аж'

/2021.07.21/: МАЛЧДЫГ ДЭМЖИХ ЗЭЭЛД НЭМЖ 50 ТЭРБУМ, НӨӨЦИЙН МАХ БЭЛТГЭЛД 100 ТЭРБУМ ТӨГРӨГИЙН САНХҮҮЖИЛТИЙН ЭХ ҮҮСВЭРИЙГ ЗАСГИЙН ГАЗРААС ШИЙДВЭРЛЭЛЭЭ.

Монгол Улсын Засгийн газраас баталсан “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-нд “Хөдөө аж ахуйг дэмжих 500 тэрбум төгрөгийн зээл” багтсан. Хаврын тариалалтад 100 тэрбум төгрөг, ноолуур, ноос, арьс шир бэлтгэлийн үйл ажиллагаанд 200 тэрбум төгрөг, малчдыг дэмжих 200 тэрбум төгрөг гэсэн ангилалтай тус зээлийг арилжааны банкуудаар дамжуулан хөнгөлөлттэй нөхцөлөөр олгож байна.

Өнөөдрийн байдлаар малчид, мал бүхий иргэд нийт 182.9 тэрбум төгрөгийн зээлийг жилийн гурван хувийн хүүтэй авчээ.

Цаашид малчин, мал аж ахуйн үйлдвэр эрхлэгчид малынхаа үүлдэр ашиг шимийг сайжруулах, бэлчээр хамгаалах чиглэлээр зээл авах хүсэлт нэмэгдэх төлөвтэй байна. Хүнс, хөдөө аж ахуй, хөнгөн үйлдвэрийн сайд З.Мэндсайхан Засгийн газрын өнөөдрийн хуралдаанд “Тогтоолын хавсралтад нэмэлт, өөрчлөлт оруулах тухай” тогтоолын төслийг танилцуулан хэлэлцүүлж, малчдыг дэмжих зээлд нэмж 50 тэрбум төгрөгийн санхүүжилтийн эх үүсвэрийг шийдвэрлэхээр боллоо.

Түүнчлэн аймаг, нийслэлийн хүн амын 2021-2022 оны өвөл, хаврын улирлын хүнсний хэрэгцээнд зориулан 20 мянган тонн хүртэл махны нөөц бүрдүүлэхэд 100 тэрбум төгрөгийг 1 жилийн хугацаатай 3 хувийн хүүтэй банк, санхүүгийн байгууллагаар дамжуулан мах бэлтгэх үйлдвэрт олгох бөгөөд Засгийн газраас нийт зээлийн хүүгийн 7.65 нэгж хувийг хариуцан төлж дэмжлэг үзүүлэх шийдвэрийг гаргалаа.

Эх сурвалж: ХХААХҮЯ

ШИНЭ УЛААНБААТАР 2: Манай хот гоё болж уу?
ШИНЭ УЛААНБААТАР 2: Манай хот гоё болж уу?
 
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ
Энэ мэдээ хуучирсан буюу 2021/07/21-нд нийтлэгдсэн мэдээ болно.