/2021.09.07/: Apple-ийн шинэ бүтээгдэхүүний талаар найдвартай эх сурвалжийн мэдээллээр алдартай дизайнер Бен Гескин (VenyaGeskin1) удахгүй гарах iPhone13 Pro-ийн шинэ өнгө, загварын зургийг нийтэлжээ.
Өөрийн твиттер хуудсандаа Бен Гескин iPhone13 Pro-ийн хүрэн шаргал болон цэнхэр өнгийн хувилбар зургийг байрлуулсан байна. Зургийг график редактор ашиглан хийсэн ба нийтэлсэн зурагнуудаас харж байгаагаар iPhone13 Pro-ийн арын панель нь цөөн хэдэн жижиг деталийг эс тооцвол өмнөх хувилбаруудтайгаа нийтлэг байна. Жишээ нь, камерын ирмэг нь iPhone12 Pro-оос өөр харагдаж байна.
Өмнө мэдээлснээр iPhone13 нь Sunset Gold болон Rose Gold өнгөтэйгөөр худалдаанд гарах юм. Үүнээс гадна, Pro хувилбарууд нь Midnight Grey болон мөнгөлөг өнгөтэй бас худалдаанд гарах аж. Midnight Grey өнгө нь өмнөх iPhone12 Pro загварын өнгөөс илүү гүн байх болно гэж тэмдэглэсэн байна. Мөн вэбсайтаас Шинэ Pro хувилбарын матт хар өнгийг харж болно.
IPhone13 цуврал болон iPhone 12s нь энэ сарын эхний хагаст буюу есдүгээр сарын 14-нд танилцуулагдах болно гэж үзэж байна. Танилцуулгын дараа тун удахгүй урьдчилсан захиалгыг хүлээн авах ажил эхлэх бөгөөд шинэ ухаалаг гар утасны борлуулалт есдүгээр сарын сүүлээр эхлэх ажээ.
Эх сурвалж: mobidevises.ru
