/2023.04.26/: Хадгаламж эзэмшигчид банкнаас 100 тэрбум доллар татсан тухай мэдэгдсэний дараа First Republic Bank-ын хувьцаа түүхэн доод түвшиндээ хүрч уналаа.

Энэ үйл явдлыг Silicon Valley Bank болон Signature Bank дампуурсны үргэлжлэл болох вий гэдэг айдас тархаад байна.

Сан Францискод төвтэй уг банк нь хадгаламжийнхаа 40 хувийг алдсанаа зарласны дараа хувьцааны ханш нь өчигдөр бараг 50 хувиар уналаа.

АНУ-ын бусад банкууд болон Western Alliance Bancorporation, Zions Bancorp, JPMorgan зэрэг хувьцааны үнэ мөн мэдэгдэхүйц буураад байна.

First Republic Bank-ыг дампуурлаас сэргийлэхийн тулд нөхөн сэргээх төлөвлөгөөг гаргаад байгаа тухай өчигдөр мэдээлсэн юм.

Тэгвэл энэхүү нөхөн сэргээх төлөвлөгөөнд тухайн банкны ашиггүй хөрөнгийг зарах болон нийт ажилтны дөрөвний нэгийг нь цомхотгох зэрэг багтсан байна.

Эх сурвалж: Aljazeera