/2021.09.06/ Ховд аймгийн Онцгой комиссын хурлаас Коронавируст халдварыг илрүүлэх PCR болон түргэвчилсэн оношлуураар шинжилгээ авах, халдвартай иргэдэд эрүүл мэндийн тусламж үйлчилгээг үзүүлэх “Нэг цэгийн үйлчилгээний төв”-ийг байгуулахаар шийдвэрлэсэн.

Энэхүү шийдвэрийн дагуу тус аймгийн “Шуурхай штаб”, чиг үүрэг бүхий мэргэжлийн байгууллагууд бэлтгэл, бэлэн байдлыг хангаж “Нэг цэгийн үйлчилгээний төв” энэ сарын 3-наас эхлэн иргэдэд үйлчилж эхэлжээ.

Тус төв нь 09:00-17:00 цагийн хооронд ажиллах юм байна. Мөн иргэдээс шинжилгээ авч "ковид-19" халдвар илэрсэн иргэдэд үзлэг хийн зөвлөгөө өгч, биеийн байдал нь хөнгөн иргэдэд “Эмчилгээний багц”-ыг олгож, хүнд, хүндэвтэр иргэдийг “Тусгаарлах эмнэлэг”-рүү шилжүүлэн ажиллах ажээ.

Нэг цэгийн үйлчилгээний төв дээр чиг үүрэг бүхий мэргэжлийн байгууллагын 40 орчим эмч эмнэлгийн ажилтан үүрэг гүйцэтгэж байна.

Эх сурвалж: ОБЕГ