/2023.03.15/ Хууль зүйн байнгын хороо өнөөдөр хуралдаж, ЦХХХ-ны сайд Н.Учралын өргөн барьж батлуулсан "Олон нийтийн сүлжээнд хүний эрхийг хамгаалах тухай хуульд тавьсан Ерөнхийлөгчийн хориг"-ийг хэлэлцжээ.

Улмаар Байнгын хорооны хуралдаанд оролцсон гишүүд санал нэгтэйгээр Ерөнхийлөгчийн хоригийг хүлээн авах нь зүйтэй хэмээн шийдвэрлэсэн байна. Түүнчлэн энэ талаарх Байнгын хорооны санал, дүгнэлтийг чуулганы нэгдсэн хуралдаанд танилцуулахаар болжээ.