/2021.08.20/ “Цар тахлын үеийн шинэ хэв маягт дасан зохицох нь” сэдвээр онол, практикийн бага хурлыг есдүгээр сарын 30-ны өдөр зохион байгуулах гэж байна.

Дэлхийн улс орнууд халдвараас урьдчилан сэргийлэх, эрсдэлийг бууруулах, тэмцэх чиглэлээр олон арга хэмжээг авч хэрэгжүүлснээр тархалтын түвшин буурах хандлагатай болоод байна.

Манай улсын хувьд ч “Ковидын үеийн шинэ хэв маяг /new normal/”-т бэлтгэх харилцааны стратеги боловсруулах шаардлага урган гарч байна.

Түүнчлэн коронавируст халдвар (Ковид-19)-т цар тахалтай хэрхэн дасан зохицож, хэвийн амьдралаар амьдрах тухай аргазүй, аргачлалыг салбарууд шинжлэх ухааны үндэстэй гаргаж тодорхойлох нь тулгамдсан асуудлын нэг болоод байгаа юм.

Иймд олон улсын “Хүмүүнлэгийн өдөр”-ийг тохиолдуулан Онцгой байдлын ерөнхий газрын дэргэдэх Гамшиг судлалын хүрээлэн, Монголын улаан загалмай нийгэмлэг хамтран дээрх арга хэмжээг зохион байгуулж байгаа ажээ.

Эх сурвалж: ОБЕГ