/2021.08.20/ Эмэгтэйчүүдийн 50 кг-ын жинд спортын мастер Батбаатарын Энхзул барилдаж мөнгөн медалийн эзэн боллоо.

Тэрбээр, өчигдөр шигшээ барилдаанд “Буэнос Айрес-2018” залуучуудын олимпийн наадмын аварга, өсвөр үеийн ДАШТ-ий алт, мөнгөн медальт АНУ-ын Эмили Кинг Шилсонд 0:10 харьцаагаар ялагдаж ийнхүү үзүүрлэлээ.

Б.Энхзул шөвгийн наймд өсвөр үеийн ЕАШТ-ий хошой хүрэл медальт Польшийн Наталья Валцакыг цэвэр ялсан.

Харин хагас шигшээд өсвөр үе, залуучуудын ЕАШТ-ий хүрэл медальт Туркийн Зехра Демирханыг 9:4-өөр ялсан юм.

Бөхийн төрлүүдийн 2021 оны залуучуудын ДАШТ тав дахь өдрөө ОХУ-ын Уфа хотод үргэлжилж байна.