/2022.08.29/ АН-ын дарга С.Эрдэнэ Төрийн ордонд хэвлэлийн хурал хийлээ.
Тэрээр:
-ҮХНӨ-ийг баталсан нь хууль бус гэж үзэж байна. Үндсэн хуульд Үндсэн хуулийн бус аргаар хүрч, өөрчилсөн төрийн түрэмгийлэл боллоо.
Хоёрдугаарт, Ардчилсан намын нэр дээр сонгогдсон УИХ-ын гишүүдэд үндсэн дүрмийн дагуу холбогдох чиглэлүүдийг өгсөн. Харамсалтай нь Үндсэн хуулийг батлах явцад зарим нэг гишүүн энэ чиг үүргийг биелүүлэлгүйгээр өөрсдийн эрх ашиг сонирхлын үүднээс оролцсон. АН-ын үндсэн дүрмийн хороо уржигдаж хуралдаж эдгээр гишүүдтэй хариуцлага тооцлоо. Тодруулбал, УИХ-ын дэд дарга С.Одонтуяа, УИХ-ын гишүүн О.Цогтгэрэл, Ш.Адьшаа, Б.Бейсен нарыг АН-ын үндсэн дүрмийг ноцтой зөрчсөн гэж үзэн, 8 жилийн хугацаатай гишүүнчлэлээс хасах шийдвэр гаргасан гэв.
