/2021.08.18/ Вакцины хоёр дахь тунг хийлгэсний дараа халдвар авсан хүмүүс гурав дахь тунг хийлгэх шаардлагагүй гэсэн бодлого баримталж байна гэв.

ЭМЯ-ны Судалгаа, төлөвлөлтийн хэлтсийн дарга Б.Бумдэлгэр, "Вакцин хийлгэснээс хойш зургаан сарын дараа эсрэг биетийн хэмжээ буурч байна гэсэн судалгаа олон бий.

Монгол Улс ч энэ төрлийн судалгааг хийсэн. Тус судалгаагаар, вакцин хийлгэснээс хойш хоёр сарын дараа цусанд шинжилгээ хийхэд эсрэг биетийн хэмжээ буурсан үр дүн гарсан. Гэхдээ дархлаа хамгаалах түвшиндөө байгаа" гэж мэдээлэв.

Үүнээс гадна, аль ч вакцины үйлдвэрлэгчийн зүгээс гурав дахь тунг хийх талаар албан ёсны зөвлөмж өгөөгүйг хэлье гэлээ.