/2022.08.24/: Сонгинохайрхан дүүргийн 31 дүгээр хороонд 250 хүүхдийн цэцэрлэгийн барилга ашиглалтад орлоо.

Тус хороо нь төв замаас алслагдсан байршил буюу 1 дүгээр хорооллын арын дэнжийн гэр хороололд байршилтай бөгөөд тус хорооны хүүхдүүд өөрийн гэрт ойрхон сургуулийн өмнөх боловсрол эзэмших боломжтой боллоо.

Нийслэлийн хөрөнгө оруулалтын газар захиалагчийн хяналтыг хэрэгжүүлж, Инжхами ХХК барилга угсралтын ажлыг гүйцэтгэлээ. Инжхами ХХК нь 2020 онд СХД-ийн 113 дугаар цэцэрлэгийн өргөтгөлийн барилгыг гэрээт хугацаанд ашиглалтад оруулсан байна.