/2022.08.16/ Энэтхэг улсын Ченнай хотноо болсон дэлхийн шатрын 44 дүгээр олимпиадаас дөрөвдүгээр ширээнд түрүүлж, алтан медаль хүртсэн Б.Мөнгөнзулыг Орхон аймгийн Засаг дарга С.Батжаргал аав, ээжийнх нь хамт хүлээн авч, хүндэтгэл үзүүлэн баяр хүргэжээ.
17 настай Б.Мөнхзул охин Орхон аймгийн гүнзгийрүүлсэн сургалттай 14 дүгээр сургуулийн сурагч бөгөөд зургаан хүүхэд өнөр айлын гурав дахь нь юм.
Аймгийн удирдлагууд Монгол Улсын шатрын спортын түүхэнд үлдээсэн амжилтыг нь өндрөөр үнэлж “Орлогод нийцсэн орон сууц төсөл”-ийн хүрээнд орон нутгийн хөрөнгө оруулалтаар баригдаж буй орон сууцнаас нэг өрөө байр бэлэглэхээр шийдвэрлэж, батламжийг гардуулсан байна.
