/2024.05.06/: Цагдаагийн байгууллагаас энэ оны дөрөвдүгээр сарын 8-ны өдрөөс 30-ны өдрийн хооронд тээврийн хэрэгсэл хулгайлах гэмт хэрэгтэй тэмцэх, таслан зогсоох зорилгоор "Тээврийн хэрэгсэл-2024" арга хэмжээг зохион байгуулжээ.

Уг арга хэмжээний хүрээнд нийслэлийн Баянгол, Баянзүрх, Сонгинохайрхан зэрэг 5 дүүргийн нутаг дэвсгэрт гадна зогсоолд байршуулсан 10 тээврийн хэрэгслийг хулгайлсан гэмт хэргийг илрүүлэн мөрдөн шалгах ажиллагааг явуулж байна.

Иймд иргэн та тээврийн хэрэгслээ харуул хамгаалалт, хяналтын камертай бүс, зориулалтын зогсоолд байршуулж, зам дагуу үйлчилгээний газраар үйлчлүүлэх үедээ тээврийн хэрэгслээ эзэнгүй, онгорхой орхихгүй байхыг анхааруулж байна.