/2024.04.29/: Кенийн өмнөд хэсэгт хэдэн долоо хоног үргэлжилсэн аадар борооны улмаас далан задарч, байшин, машин техникийг сүйрүүлжээ.
Уг ослын улмаас 35 хүн амиа алдаж, олон арван хүн сураггүй болоод байна.
Кенийн Накуру тойргийн Май Махиугийн ойролцоох аврах багийнхан шавар, хог хаягдлыг ухаж, амьд үлдсэн хүмүүсийг олохоор ажиллаж байгаа бөгөөд амиа алдагсдын тоо үлэмж ихээр нэмэгдэж магадгүй гэж амбан захирагч Сюзан Кихика анхааруулав.
Гуравдугаар сараас хойш Кени улсын хэд хэдэн хэсэг үерт автаж, 103 хүн амиа алдаж, олон мянган оршин суугч орон гэрээ орхин гарсан гэж тус улсын засгийн газрын хэвлэлийн төлөөлөгч Исаак Майгуа Мваура даваа гарагт мэдэгдэв.
Эх сурвалж: CNN
