/2024.02.27/: Францын Ерөнхийлөгч Эммануэль Макрон даваа гарагт Парист болсон бага хурлыг зохион байгуулсны дараа Европын удирдагчид барууны цэргийг Украин руу илгээхийг үгүйсгэх аргагүй гэж мэдэгджээ.
"Өнөө орой албан ёсоор газар руу цэргээ илгээх тохиролцоонд хүрээгүй ч бид юуг ч үгүйсгэхгүй" гэж тэр сэтгүүлчдэд хэлсэн байна.
Украинд үзүүлэх тусламжийн бага хуралд Европын холбооны гишүүн 27 орны төлөөлөл, түүний дотор 21 төр, засгийн тэргүүн оролцсон юм.
Макрон "Бид Оросыг энэ дайнд ялахаас сэргийлэхийн тулд чадах бүхнээ хийх болно. Би үүнийг эрс шийдэмгий хэлж байна" гэв.
Макрон мөн Украинд дунд болон алсын тусгалын “пуужин, бөмбөг” нийлүүлэх шинэ эвсэл байгуулахаа мэдэгдэв.
ЕХ-ны удирдагчид болон засгийн газрын төлөөлөгчид аль хэдийн бий болсон найман эвслийн хүрээнд "зэвсгийн талыг эрчимжүүлж, бодит үр дүнг маш хурдан гаргахаар шийдсэн" гэж тэр хэлэв.
Эх сурвалж: CNN
