/2024.01.23/: Улсын гуравдугаар төв эмнэлэг нь 2022-2023 онд хавдрын мэс засал эмчилгээний хүртээмжийг нэмэгдүүлэх замаар тусламж үйчилгээний төвлөрлийг сааруулах зорилтот үйл ажиллагаа хэрэгжүүлж, тус эмнэлгийн дөрвөн эмчийг хоол боловсруулах замын хавдрын мэс заслын мэргэжлээр сургаж, чадавхижуулсан.

Мөн энэ оны нэгдүгээр сараас эхлэн хавдрын мэс заслыг өөрийн эмнэлэг дээр бие даан хийж эхлүүлсэн бөгөөд тус эмнэлэгт элэгний V сегментэд байрласан анхдагч хавдар оношлогдсон 52 настай үйлчлүүлэгчид энэ сарын 10-нд нээлттэй аргаар хавдрыг тайрч авах мэс заслыг анх удаа амжилттай хийлээ.

Мэс заслын дараа үйлчүүлэгчид гарсан хүндрэлгүй, биеийн байдал сайжирч, мэс заслын дараах 10 дахь хоногт эмнэлгээс гарч, дараагийн шатны хяналтад шилжээд байна.

Эх сурвалж: ЭМЯ