/2024.01.23/: Израилын арми Газын зурваст 21 цэрэг амь үрэгдсэн талаар дөнгөж сая мэдэгджээ.

Энэ нь Израилын арми хуурай замын цэргийн ажиллагаа эхэлснээс хойшхи хамгийн их хохирол амссан өдөр болж байна.

Израилын Батлан хамгаалах хүчний (IDF) хэвлэлийн төлөөлөгч Даниел Хагари хэлэхдээ, тэдний байрлаж байсан хоёр байрны ойролцоох байгууламжийг пуужингаар харвасан гэж таамаглаж байгаа аж.

Ослын нарийн ширийнийг үргэлжлүүлэн шалгаж байгаа гэж IDF мэдэгдэв.

Аравдугаар сарын 7-ны халдлагад зэвсэгт этгээдүүд 1300 гаруй хүний амийг хөнөөснөөс хойш Израил Хамас бүлэглэлийг устгахыг эрмэлзэж байна.

ХАМАС-ын удирддаг Эрүүл мэндийн яамнаас мэдээлснээр Израилын арми үүний хариуд агаар, хуурай замын томоохон кампанит ажил эхлүүлснээс хойш Газын зурваст 25,295 хүн амь үрэгдсэн гэсэн юм.

Эх сурвалж: CNN