/2024.01.04/: Нийслэлийн хэмжээнд халиа, тошин үүсэх өндөр эрсдэлтэй байгаа талаар бид өчигдөр мэдээлсэн.
Тэгвэл Чингэлтэй дүүргийн хэд хэдэн байршилд нөхцөл байдал хүндрэх магадлалтай байгаа тул тус дүүргийн Засаг дарга тушаал гарган тухайн хэсгүүдэд арга хэмжээ авахыг даалгасан байна.
Тушаалын дагуу шуурхай бүлэг дүүргийн 20, 23 дугаар хорооны нутаг дэвсгэрт булгийн ус газрын хөрснөөс нэвчин гарч халиа, дошин үүсэж айл өрхийн хашаа, нийтийн эзэмшлийн талбай мөс тогтсон байсныг Онцгой байдлын хэлтсийн 6 албан хаагч, 1 тээврийн хэрэгсэл, “Тохижилт үйлчилгээний” ХХК-ийн 2 инженер техникийн ажилтан,1 машин механизмтайгаар ажиллаж суваг шуудуу гаргаж мөсөн далан босгох ажлыг шуурхай зохион байгуулж айл өрхүүдийн аюулгүй байдлыг ханган ажилласан байна.
Эх сурвалж: ЧД
