/2023.11.06/: Өнгөрсөн шөнө Газын зурвасын хойд хэсэгт дахин хүчтэй агаарын цохилт, дэлбэрэлт болжээ.

Газад утас, интернетийн үйлчилгээ тасарсан гэж мэдээлсэн ч өнгөрсөн шөнө ВВС агентлагийн Газа дахь сэтгүүлч Рушди Абуалоуф холбогдож чадсан байна. Тэрээр "Энэ дайралт дайн эхэлснээс хойшхи хамгийн хүчтэй агаарын цохилт болсон гэж бодож байна. Цохилтууд Газын баруун хойд хэсэгт чиглэгдэж, Шати хуаран гэгддэг далайн эргийн дүрвэгсдийн хуаранг хүчтэй бөмбөгдсөн.

Сүүлийн нэг цагийн дотор Израйлын сөнөөгч онгоцнууд тус нутаг дахь 450 объект руу дайрсан" гэж мэдэгдэв.

Хамас бүлэглэлийн удирддаг Эрүүл мэндийн яамны сүүлийн үеийн мэдээгээр, аравдугаар сарын 7-ноос хойш Газын зурваст 9700 гаруй хүн амь үрэгджээ. ХАМАС 1400 гаруй хүний аминд хүрч, 200 гаруй хүнийг барьцаалсан гэж Израил мэдэгдээд байгаа юм.

Эх сурвалж: BBC