/2023.10.16/: Сүүлийн үед хүүхдийн эсрэг гэмт хэргүүдийн гаралт нэмэгдэж иргэдийн дургуйцлыг ихээр төрүүлээд байгаатай холбогдуулан Хууль зүй, дотоод хэргийн сайд Б.Энхбаяр хүүхдийн эсрэг үйлдэгдэж буй гэмт хэрэгт оногдуулах ялын бодлогыг чангаруулахаа амласан.
Тэгвэл уг хуулийг чангаруулахын хамтаар согтуу жолоочид ял оногдуулдаг болох мөн мөрдөн байцаалтын нууц задруулсан алба хаагчид оногдуулдаг байсан торгох ялыг болиулж биеэр эдлэх болгон оруулж ирсэн.
Уг хуулийн өөрчлөлт нь иргэдийн мэдэх эрхийг боож, цаашид гэмт хэргүүд улам далд хэлбэрт шилжих боломж бий болно хэмээн сэтгүүлчид эсэргүүцэж ХЗДХ-ийн сайд Б.Энхбаярт шаардлага хүргүүллээ.
