/2023.08.29/: Нийслэлийн Баянзүрх дүүргийн 11 дүгээр хороо, Богдхан-Уулын Манзуширын-Ам гэдэг газар иргэн Ц нь наймдугаар сарын 27-ны өдрийн 12:00 цагт самар түүх гэж яваад сураггүй болсон тухай дуудлага өчигдөр Онцгой байдлын газарт иржээ.

Дуудланын дагуу Төв аймгийн Онцгой байдлын газрын алба хаагчид иргэн Ц 48 настай, эрэгтэйг эрэн хайх ажиллагааг зохион байгуулж 18:45 цагт “Манзуширын хийд”-ээс зүүн урд зүгт 4 км-ээс цогцсыг олж Төв аймаг дахь Цагдаагийн газрын жижүүрийн бүрэлдэхүүнд шилжүүлэн өгсөн байна.

Эх сурвалж: ОБЕГ