/2023.07.20/: Украины Агаарын цэргийн хүчнээс гаргасан мэдэгдэлд дурдсанаар Украины өмнөд хэсэгт хийсэн довтолгоогоор оросууд нийт 38 удаа агаарын довтолгоо хийсэн байна.

Оросын арми өмнөд хэсгийн Одесса, Николаев хотууд дахь “боомт, хөлөг онгоцны зогсоол, орон сууцны барилга, худалдааны сүлжээ” рүү дайрчээ.

Украины агаарын довтолгооноос хамгаалах хүчнийхэн 13 ширхэг Шахед нисгэгчгүй онгоц, далайгаас хөөргөсөн хоёр Калибр далавчит пуужин, гурван хуурай газар суурилсан далавчит "Искандер-К" пуужин зэрэг 18 пуужинг устгасан гэж мэдэгджээ.

Украин хариу гал нээсэн: Украины Агаарын цэргийн хүчин мөн сүүлийн өдрүүдэд "Оросын эзлэн түрэмгийлэгчдийн объект, техник хэрэгсэл, бие бүрэлдэхүүн төвлөрсөн газар" руу 20 гаруй удаа агаараас цохилт өгсөн гэж уг мэдэгдэлд дурджээ.