/2023.06.23/: Атлантын далайд сураггүй болсон Ocean Gate компанийн шумбагч завийг 4 хоногийн туршид эрэн хайсны эцэст уг хөлөг далайн гүнд сүйрсэн болохыг тогтоожээ.
Хөлөгт 5 зорчигч сууж явсан бөгөөд сүйрсэн Титаник хөлөг онгоцыг харахаар явж байсан юм. Хөлөг живээгүй, гэнэтийн дэлбэрэлт болсон гэж эргийн хамгаалалтын албанаас мэдэгдсэн байна.
Завины хэлтэрхийнүүд Титаник хөлгийн живсэн газраас 500 орчим метрийн орчим зайнаас олдсон байна.
Сүйрсэн шумбагчид Хамиш Хардинг, Шахзада Давуд болон түүний хүү Сулеман Давуд, Пол-Анри Наргеолет, OceanGate компанийн гүйцэтгэх захирал Стоктон Раш нар байжээ.
Эх сурвалж: CNN
