/2023.06.16/: Япон улс ЛГБТ хүмүүсийг дэмжих зорилгоор баасан гарагт нэлээд маргаан дагуулсан хуулийн төслийг баталлаа.

Ижил хүйстнүүдийн холбоог хуулиар хамгаалдаггүй, долоон бүлгийн (Их долоо) цорын ганц орон болох Япон тавдугаар сарын 19-нөөс 21-ний хооронд Их долоогийн удирдагчдын дээд хэмжээний уулзалтыг зохион байгуулахаас өмнө уг хуулийг батлахаа амлаж байсан юм.

Эрх баригч Либерал ардчилсан намын зарим гишүүд санал хураалт явагдах үед танхимаа орхисон ч гэсэн мягмар гарагт доод танхимаар баталсан байна.

Японд “Их 7”-гийн бусад орнууд, ялангуяа АНУ-ын зүгээс ижил хүйстнүүдийн гэрлэлтийг зөвшөөрүүлэхийн тулд шахалт үзүүлжээ. Эдийн засгийн удирдагчид Япон улс лесби, гей, бисексуал, трансжендер хүмүүсийн төлөөлөлгүйгээр олон улсын хэмжээнд өрсөлдөх чадваргүй хэвээр үлдэнэ гэж эмээж байгаагаа мэдэгдэв.

Японд явуулсан санал асуулгаас харахад Япончуудын дийлэнх нь ижил хүйстнүүдийн гэрлэлтийг дэмжинэ гэж хариулсан байна.

Эх сурвалж: CNN