/2023.05.03/: Өнөөдөр болох онцлох үйл явдлуудын мэдээллийг тоймлон хүргэж байна.

09:00 цагт “Блью Скай” зочид буудалд: Дэлхийн хэвлэлийн эрх чөлөөний өдөр "Үзэл бодлоо илэрхийлэх эрх чөлөөний форум-2023" болно.

11:00 цагт Сүхбаатарын талбайд: МСНЭ-аас хэвлэлийн эрх чөлөөг хамгаалах акц зохион байгуулна.

10.00 цагт Төрийн ордонд: УИХ-ын байнгын хороод хуралдана.

10.00 цагт ШУТИС-ийн номын санд: Монгол инженерүүд цахилгааны хяналтын системийг нэвтрүүлсэн талаар мэдээлнэ. ШУТИС-ийн Эрчим хүчний сургууль, “Ханап хангал зээрд” ХХК-ийн хамтын ажиллагааны хүрээнд Монгол инженерүүдийн хөгжүүлж буй “Хэмжих хэрэгслийн удирдлага хяналтын систем”-ийг танилцуулна.

10.00 цагт: Гаалийн ерөнхий газраас экспорт, импортын мэдээлэл, цаг үеийн асуудлаар мэдээлнэ.

10.00 цагт МҮЭ-ийн холбооны байранд: Оюу толгойн төслийн талбайд гэрээгээр ажил гүйцэтгэгч "Эпирок Монголиа” компанийн ажилчид ажил хаяж байгаа талаар Геологи, эрчим хүя, уул уурхай ҮЭ-ийн хорооноос хэвлэлийн бага хурал хийнэ.

11:00 цагт: Үндсэн хуулийн талаарх мэдлэг төрийн албан хаагчдын дунд хийсэн судалгаагаар хангалтгүй байгаа тухай “Иргэдийн шударга шүүх” ТББ мэдээлнэ.

11:30 цагт: Дорнод аймагт үйл ажиллагаа явуулдаг “Шинь шинь” ХХК хүний эрхийг ноцтой зөрчиж байгаа талаар иргэн Э.Болд мэдээлэл хийнэ.