/2022.06.29/ БНСУ-ын Жэжү аралд бүлгээрээ эрүүл мэндийн аялал хийж байсан монголчуудаас 23 нь сураггүй болж, холбоо тасарсан талаар Солонгосын зарим хэвлэл мэдээллийн хэрэгслээр мэдээлсэн билээ. Мөн тухайн иргэдийг "харлахаар" зугтсан гэх мэдээлэл олон нийтийн сүлжээнд гарч байгаа юм.

Үүнтэй холбогдуулан Гадаад Харилцааны Яамнаас тодруулахад, "БНСУ-ын талаас энэ тухай албан ёсоор ГХЯ-нд мэдэгдсэн зүйл байхгүй. Манай иргэд нэг сарын хугацаанд Жэжүд визгүй зорчих эрхтэй. Эдгээр иргэд зургаадугаар сарын 22-нд Жэжүд очсон байна. Долдугаар сарын 21-нд визгүй зорчих хугацаа нь дуусна. Тиймээс одоогоор визийн зөрчилтэй гэж үзэхгүй.

Долдугаар сарын 9, 14-нд Жэжүгээс Монгол руу нислэгийн хуваарьтай байна. Уг нислэгээр ирнэ гэж найдаж байна" гэсэн юм.