/2022.05.09/: Хөвсгөл аймгийн Бүрэнтогтох сумын “Хилэнтийн гүүр” гэдэг газар Дэлгэрмөрөн гол руу 1 эрэгтэй хүн үсэрч, живсэн тухай дуудлагыг тавдугаар сарын 6-ны өдөр Онцгой байдлыг газар хүлээн авсан байна.

Тус аймгийн Онцгой байдлын газрын Эрэн хайх, аврах салбарын алба хаагчид иргэн Б /54 настай, эрэгтэй/-ийг тавдугаар сарын 8-наас эхлэн 2 бүлэгт хуваагдан 1 дүгээр бүлэг Эрчим багийн Хилэнтийн гүүр” гэдэг газраас Төмөрбулаг сумын Нарийн багийн Домбо гэдэг газар хүртэл 40 км-т, 2 дугаар бүлэг Хилэнтийн гүүрнээс Шинэ-Идэр сумын Сангийн далай багийн Баян-Эрхэт гэдэг газар хүртэл 60 км-т завиар эрэн хайх ажиллагааг зохион байгуулсан боловч үр дүнд хүрээгүй тул 19:30 цагт түр зогсоосон. 05.09-ний өдрийн 08:30 цагт эрэн хайх ажиллагааг дахин эхлүүлсэн.

Эх сурвалж: ОБЕГ